لیتھم آئن بیٹری 6 منٹ میں 90٪ چارج ہو گی ، نئی ٹکنالوجی

ٹیسلا کی قیادت میں ، برقی(بجلی سے چلنے والی ) گاڑیوں کی ٹیکنالوجی دنیا میں تیزی سے اپنا مقام بنا چکی ہے اور آگے بڑھ رہی ہے۔ اندرونی دہن انجنوں) Internal Combustion Engines(کے برعکس ، برقی کاریں ، جو زیادہ ماحول دوست ہیں ، صرف لتیم آئن بیٹریوں پر چلتی ہیں۔ یہ برقی گاڑیاں ، جنہیں لتیم آئن بیٹریوں کی ضرورت ہوتی ہے ، قدرتی طور پر بیٹریوں سے زیادہ تر کارکردگی حاصل کرتی ہیں۔ لہذا ، بیٹریاں جتنی موثر ہیں ، اتنی ہی کارکردگی ہم اپنی گاڑی سے حاصل کرتے ہیں۔ برقی گاڑی کی کارکردگی کے لیے سب سےمرکزی کردار بیٹری کا ہے چناچہ ہمارے لیے یہ جاننا ضروری  ہے کہ یہ بیٹری کتنی دیر تک چلتی ہے اور خود کو ری چارج کرنے میں کتنی دیر لگاتی ہے۔

پوسٹیک یونیورسٹی کےشعبہ  مادہ سائنس اور انجینئرنگ(Department of Materials Science and Engineering, POSTECH) کے مطابق ایک دیرپا بیٹری پہلے ہی تیار کی جاچکی ہے ۔ اس شعبہ کے پروفیسر بائنگو کانگ اور ڈاکٹرمننگونگ کم اورسانگکینکوان یونیورسٹی(Sungkyunkwan University)کے شعبہ توانائی سائنس کے پروفیسر وان سب نے اکھٹے اس پروجیکٹ ٌپر کام کیا اور لی آئن بیٹری کی چارجنگ اور ڈسچارجنگ کے ذریعے اپنے دعوے کو سچ ثابت کیا ۔

 اس تجربے سے یہ نتیجہ نکلا کہ لی آئن بیٹری الیکٹروڈز چھ منٹ میں 90 فیصد  تک ری چارج ہوئے  جبکہ  18 سیکنڈ میں 54 فیصد  ڈسچارج ہوئے ، جو اعلی طاقت والی لی آئن بیٹریوں کی نشوونما کے لئے ایک امید افزا علامت ہے اور مستقبل میں اس سے بھی بہتر بیٹریاں بننے کے امکانات انہتائی روشن ہیں ۔ جس سے ہم برقی گاڑیوں کو اور زہادہ بہتر انداز سے استعمال کر پائیں گے ۔